文：周顯
有一位好寸的上市公司主席，兜口兜面寸過某位傳媒老闆好幾次，傳媒老闆梗係火都嚟埋，於是發動攻勢，不停在傳媒圍剿佢。要知道，在香港的細價股，哪一個沒有原罪呢？其實，呢個傳媒老闆，都不過是如實報導啫。
上市公司老闆飽受到折磨，惟有死死氣，找公關公司，約見傳媒老闆，要去食飲。話要同佢講一下公司的未來走勢，前途一片光明咁話。哈哈，佢自己唔親自打電話，沙冧兼約，叫公關公司代約，傳媒老闆又梗係唔出嚟，揾條靚出席，你吹咩，兼且下期再寫重手啲添呀！
我同傳媒老闆吹水，他說﹕「同我講咁多雞話，講公司前景幾咁美好，咪即係當我kid既。你不如老老實實，同我本嘢落返幾十萬元廣告，咁你係廣告商咯，我又點可以寫衰你呀，讚你都來唔切啦。」
hexapost.wordpress.com 