【周顯雜記】世界大同由我去做皇帝

文：周顯

我是一個星球大戰迷，那天看到網上有post說，就算是打第三次世界大戰，也要過了12月先打，因為不想錯過了星戰第7集。我心想，這個人真的是太過沒志氣，係我都要等到2019年，看埋第8、第9集，先至去打，單單看第7集，到喉唔到肺，有乜用？

其實，講到有志氣，我認識的朋友當中，沒有一個人比得上我，因為我從小的志願，是做超人，保衛地球。大個仔之後，發現了保衛地球，是幫人做嘢，即是護衛員，都係無出息，不如擁有成個地球，做地球皇帝好過啦。所以我常常說，我一定反對本土派，因為我認為世上最好的政治制度就是，世界大同，地球統一，然後由我去做皇帝，因此，我反對任何的獨立運動，贊成任何的國家統一，仲想封渾水做昭明親王添！