【周顯雜記】 大意失了朱太的盛宴

文：周顯

上星期日，有一單股壇的超大事件，就是金利豐老闆娘朱太娶新抱，當然是冠蓋雲集，全部猛人到齊。其實在先前一個月，我已經收到了通知，不過她的秘書只來了電話和 whatsApp，我也忘記了給她地址，讓她寄請帖，我這個小人物，秘書小姐當然也沒有remind我，咪甩咪囉。直至晚上十一點，我打電話給某位仁兄﹕「喂，你又話同我攞臘鴨，點解仲未蒲頭？」他答﹕「我還在會展呢！」我方才知自己錯失了良機。

先前說的臘鴨，是來自九龍城的金城，那是我吃過最好吃的臘鴨，所以每年都要買。買臘鴨的第一要訣是，千萬不要買臘鴨脾，因為肉質一定差，要成隻買，先至好食，因為只有衰的肉，先至會切散來賣，好鴨梗係成隻賣啦。

失了朱太的盛宴，有沒有關係？唓！我同佢都無生意做，更何況，酒席成村人，幾時留意到我吖！