【周顯雜記】立基工程硬淨唔使心慌

文：周顯
上星期說了，有一隻十倍股，要介紹給大家。其實狀況是這樣的：在過去的幾個trading days，這股票踢了兩踢，都升了不少，但是遇上了股災，大家都好驚要掟貨，在星期三，市場的集中力又都在隻「立基工程」（8369）之上，成交三億幾元，乜水都抽乾啦。根據市場活躍人士的說法：「而家啲人炒咗贏兩格，便沽出，都唔肯坐貨，真係好難做嘢。」

所以，結果是，這隻十倍股的老闆說：「不如再等多一個星期，等我收多幾千萬股，再收乾啲，先至再同你哋講。」我睇見它的股價都算硬淨，所以個心都唔係好慌，唯有等吓啦。不過，這幾天好像傾緊一班炒開網上貨幣炒得好勁的人入場，如果成事，都應該會炒到飛天嘅，正如老闆的豪言：「要做把遮嘅翻版！」

大家看今天本報嘅社論，我真係覺得今日班記者好廢，所以我想搵一日等我親身出馬，在記者招待會去質問梁振英和陳茂波，大家拭目以待吧。